Basa Jawa ing Sekolah

Basa dhaerah ing taun iki saya suwe saya ilang. Kamangka basa dhaerah, uatamane basa Jawa kang digunakake dening bebrayan Mojokerto iku kebak unggah-ungguh uga tata krama. Tuladhane yen karo wong luwih tuwa nggunakake basa Jawa krama, dene yen karo sapepadhane (kancane dhewe) nganggo basa ngoko. Yen basa krama ora diugemi bakal ndadekake rusake moral para panerus bangsa. Kahanan kasebut bisa dideleng ing jaman saiki. Kabukten saya akeh para mudha kang ilang tata kramane saengga ora nduweni isin lan wani karo wong tuwa.

Adhedhasar kedadeyan kasebut dhinas pendhidhikan Mojokerto ngetrapake dina khusus supaya para warga sekolah nggunakake basa Jawa. Salah sawijine sekolah kang ngetrapake basa Jawa yaiku SMPN 1 Sooko. Salah sawijine sekolah kang milih dina rebo minangka dina kanggo cecaturan kang nggunakake basa Jawa. Kanthi aturan kasebut kaajab siswa bisa luwih ngugemi unggah ungguh lan tata krama lumatar basa Jawa.

Saben dina rebo kabeh kulawarga SMPN 1 Sooko padha nggunakake basa Jawa. Ora mung siswa kang cecaturan nganggo basa Jawa, nanging para guru uga staf TU nggunakake basa dhaerah kasebut. Saben pasinaon uga nggunakake basa Jawa kajaba nalika pasinaon basa Inggris lan Indonesia kang ora diwajibake. Ora mung pasinaon lan nalika cecaturan basa kasebut digunakake, nanging nalika apel para guru uga staf nggunakake basa Jawa. (snisfi18 & hayya_sis)

Silahkan Isi Komentar dari tulisan berita diatas Nama E-mail Komentar Kode Verifikasi

Komentar :